जुनेली न्युज,०९ बैशाख काठमाडौँ |

नेकपा (माओवादी केन्द्र)का अध्यक्ष प्रचण्डले माओवादी आन्दोलनबाट विभाजित भएका सबै नेता, कार्यकर्ताहरुलाई एकतामा आउन आह्वान गरेका छन् |

शुक्रबार पार्टी  कार्यालयमा नेपाल कम्युनिष्ट पार्टीको ७३ औँ स्थापना दिवस तथा १५२ औँ लेनिन जयन्तीको अवसरमा आयोजित कार्यक्रमलाई सम्बोधन गर्दै दाहालले माओवादी आन्दोलनबाट विभाजित सबै नेता, कार्यकर्ता तथा पार्टीहरुलाई एकताबद्ध हुन आह्वान गरेका हुन् |

जनयुद्ध र जनआन्दोलनले स्थापित गरेका मुद्दाहरु उल्ट्याउने षड्यन्त्र भएको भन्दै जनताको अधिकार र पहिचानका पक्षधर एकताबद्ध हुन आवश्यक रहेको बताए | “हिजो नेपालको जनवादी क्रान्तिलाई मौलिक ढंगले पूरा गर्न मुख्य योगदान गरेको माओवादी आन्दोलन र क्रान्तिकारी कम्युनिष्ट आन्दोलनका सबै विभिन्न धाराहरुलाई आजको दिनले सबभन्दा पहिला एकताबद्ध हुन प्रेरित गरोस्उ,” उनले भने |

अध्यक्ष दाहालले माओवादी आन्दोलनमा उत्साहपूर्ण ध्रुवीकरणको प्रक्रिया सुरु भएकको र  विगतमा पार्टी छोडेर जानेहरुले विभाजनको औचित्य पुष्टि गर्न नसकेर मुल घरमै फर्किने क्रम बढेको उनको भनाइ छ |