मंसिर १४,

काठमाडौं । नेपाली कांग्रेसका नेता तथा संसद एवं नेपाल दलित संघका केन्द्रीय अध्यक्ष, पूर्व वाणिज्य मन्त्री मीन विश्वकर्मा आइतबार अस्पतालबाट डिस्चार्ज हुने भएका छन् । कोरोना पुष्टि भएपछि उनी काठमाडौेंको ग्राण्डी अस्पतालमा उपचाररत थिए । गत कात्तिक १ गते कोरोना पुष्टि भएका नेता विश्वकर्मा एक महिना १४ दिनको अस्पलात बसाइपछि घर फर्किन लागेका हुन् । उनलाई गत कात्तिक २४ गते भेन्टिलेटरबाट निकालिएको थियो ।

नेता विश्वकर्मा कोरोना पुष्टि भएपश्चात केही दिन होमआइसोलेसनमा बसेका थिए । विश्वकर्मालाई स्वास्थ्यमा थप समस्या भएपछि अस्पताल भर्ना गरिएको थियो । उनलाई आस्पताल भर्ना गरेर भेन्टिलेटरमा राखेर उपचार गरिएको थियो ।

कोरोना संक्रमित विश्वकर्माको उपचारमा विशेष ध्यानदिन नेपाली कांग्रेसले सरकारको ध्यानाकर्षण गराएको थियो । नेपाली कांग्रेसका नेता बाल कृष्ण खाँनले प्रधानमन्त्री केपी शर्मा ओली र स्वास्थ्यमन्त्री भानुभक्त ढकाललाई टेलिफोन गरेर आफ्ना नेता कोरोना संक्रमित विश्वकर्माको उपचारमा ध्यानदिन आग्रह गरेको थिए ।file Photo

• सम्बन्धित समाचार  कांग्रेस नेता मीन विश्वकर्मालाई भेन्टिलेटरबाट निकालियो : सिमित मान्छेसंग बोल्न थाले
  • • • • कोरोना संक्रमित नेपाली कांग्रेसका नेता मीन विश्वकर्माको स्वास्थ्यमा उलेख्या सुधार