राजनीति
प्रधानमन्त्री ओली र भारतका विदेश सचिव श्रींगलाबिच शिष्टाचार भेट्
मंसिर ११,
काठमाडौं । भारतका विदेश सचिव हर्षवर्धन श्रींगलाले प्रधानमन्त्री केपी शर्मा ओलीसँग शिष्टाचार भेट गरेका छन् ।
बिहिबार साँझ प्रधानमन्त्री निवास बालुवाटारमा भेटघाट भएको प्रधानमन्त्री ओलीका प्रेस सल्लहाकार सूर्य थापाले जानकारी दिए ।
बिहीबार काठमाडौं आएदेखि उनी निरन्तर भेटघाटमा छन् । उनले परराष्ट्र सचिवस्तरको बैठकमा सहभागी हुनुका साथै परराष्ट्र मन्त्री प्रदीप ज्ञवालीसँग पनि भेटवार्ता गरेका छन् ।
त्यस्तै बिहीबार नै राष्ट्रपति विद्यादेवी भण्डारीसँग पनि भेटवार्ता गर्ने कार्यक्रम छ । शुक्रबार उनी गोरखा र मनाङमा भारतको सहयोगमा निर्माण भएका घर र धार्मिक स्थल उद्घाटन गर्न जाने कार्यक्रम तय भएको छ ।
फेसबुक प्रतिक्रियाहरु