फागुन १८,

काठमाडौं । नेपाल दलित विद्यार्थी संघका केन्द्रीय अध्यक्ष एवं नेपाली कांग्रेस महाधिवेशन प्रतिनिधि यूवा नेता राज सुनारले विद्यार्थीहरूको बौद्धिक क्षमता वृद्धि गर्नु आजको आवश्यकता रहेको बताएका छन् । यसको लागि विद्यार्थीहरुले लगनशित बन्नु पर्ने उनको सुझाव छ । काठमाडौंको गोकर्णेश्वर नगरपालिका आरुबारीस्थित अरुनणोदय माध्यमिक विद्यालयमा मंगलबार नेपाल दलित विद्यार्थी संघको ईकाई कमिटी गठन कार्यक्रलाई सम्बोधन गर्दै उनले यस्तो बताएका हुन् ।

इकाई गठन कार्यक्रमलाई सम्बोधन गर्दै नेता सुनारले विद्यार्थीहरूको बौद्धिक क्षमता वृद्धि गर्नका साथै विद्यार्थीमा पर्ने समस्याहरु न्युनिकरणका लागि विद्यार्थीहरु जागरुक बन्नु पर्नेमा जोड्दिए ।

उनले किताबी ज्ञान सहित अन्य खेलकुद्जस्ता पक्षमा पनि रुचि  हुनु पर्ने बताए । नेता सुनारले  विद्यार्थीहरुको हक र अधिकारका लागि आफू र आफ्नो संस्था सधैव तत्पर रहने प्रतिबद्धता ब्यक्त गरे ।