माघ २३,

काठमाडौं । आज शुक्रबार (नेकपा) ओली समुहको काठमाडौंमा शक्ति प्रर्दशन हुदैछ । काठमाडौंको नारायणहिटी दरबार क्षेत्रमा सो समुहको शक्ति प्रर्दशन हुने ओली समुहले जनाएको छ ।

आज शुक्रबारको शक्ति प्रर्दशन हाल सम्मकै सबैभन्दा विशाल हुने ओली समुहको भनाइ रहेको छ । उसले आज देशका सबै जिल्लाहरुबाट कार्यकर्ता काठमाडौंमा उतार्ने प्रचण्ड-माधव नेपाललाई चुनौतीनै दिएको छ । सो समुहका अध्यक्ष समेत रहेका प्रधानमन्त्री केपी शर्मा ओलीले प्रर्दशन भनेको कस्तो हुन्छ २३ गते देख्नु हुन्छ, हामी २३ गते देखाउछौं, यसअघि प्रचण्ड – माधव समुहले निकालेको शक्ति प्रर्दशनलाई सानो भेला भएको टिप्पणी गर्दै चुनौती दिएका थिए ।

सोही चुनौतीको भेला आज हुन लागेको हो । रामेछापबाट सो समुहका तीन हजार कार्यकर्ता काठमाडौंको भेलामा सहभागी हुने ओली समुह रामेछापले बताएको छ ।

त्यसैगरी प्रत्येक जिल्लाबाट काठमाडौं कार्यकर्ता लैजाने सो समुहको तयारी छ । यसअघि २१ गते युवा संघले २३ गते आज हुने शक्ति प्रर्दशनलाई सफल पार्नको लागि भन्दै भक्तपुरदेखि- काठमाडौंसम्म बृहत मोटरसाइकल र्याली निकालेको थियो । सो र्यालीमा १५ हजार भन्दा बढी सहभागी भएको थिए ।

गत पुष ५ गते प्रधानमन्त्री केपी शर्मा ओलीले प्रतिनिधि सभा विघटन गरेपछि (नेकपा) फुटेको छ । अहिले प्रचण्ड – माधव नेपाल र ओली समुहमा विभाजित नेकपाले देशब्यापी दिनानुदिन प्रर्दशन गर्दै आएका छन् । २२ गते प्रचण्ड नेपाल समुहले देशब्यापी आमहड्ताल (नेपाल बन्द) गर्यो ।