मंसिर १७, फोटो फाइल

रामेछाप । नेपाली कांग्रेसका वरिष्ठ नेता रामचन्द्र पौडेलको रिहाइको माग गर्दै रामेछापमा  राँके जुलुस् निकालिएको छ ।

नेपाली कांग्रेस रामेछाप, कांग्रेसका भातृ संस्थाहरु नेपाल विद्यार्थी संघ, नेपाल तरुण दल लगाएतको सहभागितामा चर्को बिरोध गरिएको हो । उनीहरुले नेता पौडेललाई तत्काल रिहा गर्न माग गरेका छन् । उनीहरुले मन्थलीमा ओली सरकार मुर्दावात, रामचन्द्र पौडेललाई रिहाई गर, अहिलेको सरकार मुर्दावात, लगाएतका नारा लगाएका छन् ।

बुधबार तनहुँको ब्यास नगरपालिकामा वडा नम्बर १, १० र ११ जोड्ने तालघरे दुम्सीचौर सडकको बुल्दीखोला पुल उद्घाटन गर्ने क्रममा प्रहरीलसहित केही कांग्रेसका व्यक्तिहरुलाई  प्रहरीले नियन्त्रणमा लिएको छ । पौडेलले आफूलाई प्रहरीले हिरासतमा लिएको भनी फेसबुकमा लेखेका छन् ।

नेपाली कांग्रेसका सभापति शेरबहादुर देउवाले सरकारको सशक्त प्रतिवाद गर्ने बताएका छन् । नेता रामचन्द्र पौडेललाई प्रहरीले नियन्त्रण लिए लगत्तै विज्ञप्ति जारी गरेर उनले यस्तो चेतावनी दिएका हुन् । सभापति देउवाले पौडेललाई तत्काल रिहा गर्न समेत माग गरेका छन् ।

फोटो भिडियो