जुनेली न्यूज, काभ्रे।
आफू पढेको स्कुलमा पूर्व विद्यार्थीहरुले सहयोग गरेका छन्। हाल अमेरिका रहेका केभिन श्रेष्ठ, काठमाडौं बासी सुरेश काजी श्रेष्ठ र हाम्रो सुनौलो संसार बाल आश्रमको समन्वयमा शैक्षिक सामग्री वितरण गरिरहेका हो।

काभ्रे जिल्लाको मण्डनदेउपुर नगरपालिका वडा नं ९ को श्री उमा विद्या मन्दिर आधारभूत विद्यालयमा स्कूल युनिफर्म, झोला र शैक्षिक सामग्री प्रदान गरिएको हो।

आफू पढेको स्कुलमा सकेको सहयोग गर्न पाउँदा खुसी लागेको र आगामी दिनमा पनि थप सहयोग गर्ने पूर्व विद्यार्थी सुरेश काजी श्रेष्ठले बताए।