शनिबार, मंसिर १८, २०७८
  • होमपेज
  • २ हजार रुपैयाँ बोकेर राजधानी छिरेका स्वास्थ्य मन्त्रि कसरि भए २० अर्ब रुपैयाँको मालिक….?
समाचार

२ हजार रुपैयाँ बोकेर राजधानी छिरेका स्वास्थ्य मन्त्रि कसरि भए २० अर्ब रुपैयाँको मालिक….?

जुनेली न्यूज, काठमाण्डौ | वर्तमान स्वास्थ्य राज्यमत्री उमेश श्रेष्ठको जन्म भोजपुर जिल्लामा भएको हो | श्रेष्ठलाई एक सफल व्यावसायी हुन् | प्रधानमन्त्री शेरबहादुर देउवाले मन्त्रिपरिषद् बिस्तार गर्दै उमेश श्रेष्ठलाई स्वास्थ्य राज्यमन्त्रीमा नियुक्त गरेका हुन् |श्रेष्ठ यसअघि निजी विद्यालयहरुको संघ प्याब्सन र हिसानमा अध्यक्ष समेत भएका थिए । त्यसैगरी संविधान सभामा सभासद समेत थिए । लामो समयसम्म शिक्षा क्षेत्रमा लगानी गर्दै पछिल्लो समयमा विभिन्न क्षेत्रमा लगानी बिस्तार गरेका श्रेष्ठ नेपाली कांग्रेसका तर्फबाट प्रतिनिधिसभाका सांसद समेत हुन् ।शिक्षा क्षेत्रमा सबैभन्दा धेरै लगानी गरेका उनले पछिल्लो समयमा बैंक, स्वास्थ्य, पर्यटन, कृषि र जलविद्युत् क्षेत्रमा पनि लगानी बिस्तार गरेका छन् ।
भोजपुरमा जन्मिएका श्रेष्ठ ४२ वर्षअघि काठमाडौं आएका थिए । तत्कालीन समयमा २ हजार रुपैयाँ बोकेर राजधानी छिरेका उनी हाल २० अर्ब रुपैयाँको मालिक बनेका छन् ।प्राइम बैंकको सबैभन्दा ठूलो सेयरधनी उमेश श्रेष्ठ हुन् । १६ अर्ब चुक्ता पूँजी रहेको प्राइम बैंकमा उमेश श्रेष्ठले ३.१० प्रतिशत सेयर छ । यो भनेको ४९ लाख ८५ हजार ४३५ कित्ता सेयर हो ।

श्रेष्ठले ललितपुरको लिटिल एञ्जल्ससँगै विभिन्न विद्यालय र कलेजमा पनि लगानी गरेका छन् ।
श्रेष्ठको लगानीमा ९ वटा जलविद्युत् आयोजना छन् । तीमध्ये अधिकांश जलविद्युत् आयोजना निर्माणको क्रममा छन् । त्यसबाहेक उनले पर्यटन क्षेत्रतर्फ चितवनमा सिराइचुली, सेन्ट्रलपार्क लगायतका होटलमा लगानी गरेका छन् भने धुलिखेलमा हालै निर्माण भइ सञ्चालनमा आएको हिमालयन दृश्य रिसोर्टमा पनि लगानी गरेका छन् ।
त्यसैगरी तनहुँमा घाँसी एग्रो रिसर्च एण्ड रिसर्च प्रालिमा लगानी बिस्तार गरेका छन् भने पोखरामा उनको लगानीमा नयाँ होटल निर्माण हुँदैछ । त्यसबाहेक उनले कृषि क्षेत्रमा पनि लगानी बिस्तार गरेका छन् ।हाल उनको नेतृत्वमा जनमैत्री अस्पताल र महेन्द्र नारायण निधि अस्पताल सञ्चालनमा छन् । दुबै अस्पताललाई अत्याधुनिक अस्पताल बनाउने उनको योजना छ ।
महेन्द्र नारायाण निधी अस्पताल ट्रस्टीहरुको लगानीमा सञ्चालनमा आएको हो । जसमा १ हजार जना ट्रस्टी छन् भने उनीहरुले २ लाख रुपैयाँदेखि २ करोड रुपैयाँसम्म लगानी गरेका छन् । उनको लगानीमा एकान्तकुनामा हेलोइस अस्पताल पनि छ । जुन अस्पताल उच्च आय भएका वर्गका लागि लक्षित छ ।

आइतबार प्राइम बैंकको सेयर मूल्य ५२९ रुपैयाँमा कारोबार भएको छ । यस आधारमा उमेश श्रेष्ठको नाममा रहेको सेयर हेर्दा प्राइम बैंकमा मात्रको उनको सम्पत्ति २ अर्ब ६३ करोड रुपैयाँ हुन्छ । संस्थापक र साधारण सेयरको मूल्य फरक हुँदा रकम भने फरक पर्छ । तर २ अर्बभन्दा बढीको सम्पत्ति उमेश श्रेष्ठको प्राइम बैंकमा मात्र छ । वार्षिक १५ करोडभन्दा बढी रकमको प्रतिफल उमेश श्रेष्ठले लगानी गरेका संस्थामा प्राइम बैंकबाट पाउने अवस्था छ । श्रेष्ठले लिटिल एञ्जल्स विद्यालयलाई विश्वविद्यालय बनाउने र आफ्नो बाँकी सम्पत्ति ट्रस्टका नाममा राखेर सरकारलाई हस्तान्तरण गर्ने योजना समेत बनाएका छन् ।
सम्पन श्रेष्ठ अविवाहित हुन् |

 

फेसबुक प्रतिक्रियाहरु