मंसिर १२,

रामेछाप । रामेछापको दोरम्बा गाउँपालिका वडा नं-२ मा निर्माण सम्पन्न भएको नेपाल प्रहरीको पक्की भवन उद्घाटन  हुने भएको छ । भने दोरम्बा अस्पताल शिलान्यास हुने भएको छ ।

निर्माण सम्पन्न भएको नेपाल प्रहरीको पक्की भनव बागमती प्रदेशका आन्तरिक मामिला तथा कानुन मन्त्री शालिकराम जम्कट्टेलले आउदो आइतबार उद्घाटन गर्ने वडा नंको कार्यालयले जनाएको छ ।

त्यस्तै आउदो सोमबार गाउँपालिका अध्यक्ष कमानसिंह मोक्तानले दोरम्बा अस्पतालको पक्की भवन शिलान्यास गर्ने पनि जानकारी दिएको छ । त्यहाँ १५ शैय्याको अस्पताल बन्ने छ ।  १५ शैयाको अस्पताल निर्माण गर्नको लागि गाउँपालिकाले विस्तृत आयोजना प्रतिवेदन (डिपिआर) र जग्गा प्राप्तिको काम सम्पन्न गरिसकेको पालिका प्रमुख मोक्तानले बताए ।

दोरम्बा गत बर्षदेखि डाक्टर सहितको अस्पताल सञ्चालनमा आइसकेको छ । सरकारको निर्णय अनुसार १५ गते दोरम्बा गाउँपालिकासहित  लिखु तामाकोशी गाउँपालिकामा पनि १५ शैयाको अस्पताल बन्नेछ भने सुनापती र उमाकुण्ड गाउँपालिकामा १०/१० शैयाको अस्पताल निर्माण हुने छ । अस्पतालको शिलान्यासँगै यस आर्थिक वर्षबाटै निर्माणको काम अगाडि बढाउन संघीय सरकारले बजेट समेत विनियोजन गरिसकेको छ ।