असोज २४,
रामेछाप । जिल्ला अस्पताल रामेछापबाट परीक्षणका लागि पठाइएको स्वाबमा थप दुई जनाको पोजेटिभ आएको छ । शनिबार आएको रिपोर्टमा गत २१ गते २९ जनाको स्वाबमा एक जना दोरम्बा गाउँपालिकाका ३२ वर्षीय पुरुषमा संक्रमण भएको छ । उनी प्रावी तहका शिक्षक हुन् । उनी महोतरी जवालेश्वर-५ बाट आएका थिए ।
त्यस्तै २१ गते नै पठाएको २८ जनाको स्वाबमा १ जना २५ वर्षका पुरुषमा संक्रमण भएको छ । उनी खाँडादेवी गाउँपालिकाका कर्मचारी हुन् । उनी पालिकाको वडा नं ७ का हुन् । उनी होमआइसोलेसनमा बसेका छन् । शिक्षक दोरम्बा अस्पतालमा बसेका छन् ।
योसंगै जिल्ला अस्पतालबाट पठाएको स्वाबमा पोजेटिभ हुनेको संख्या १०३ पुगेको छ । त्यस्तै जिल्लाबाहिर गरिएको परीक्षणमा २८ जना महिला र ८२ जना पुरुषमा संक्रमण भएको छ । योसंगै जिल्लामा कूल संक्रमितको संख्या २१३ जना पगेको छ ।
१५ सय ८२ जनाको रिपोर्ट नेगेटिभ आएको छ । १७५ जनाको रिपोर्ट आउन बाँकि रहेको छ । हालसम्ममा १ हजार ८ सय ६० जनाको स्वाब संकलन गरिएको छ ।
फेसबुक प्रतिक्रियाहरु