खेलकुद
सनराइजर्स हैदराबादले किङ्स इलाभेन पन्जाबलाई ६९ रनले हरायो
असोज २३,
काठमाडौं । आइपिएल टी-२० क्रिकेटमा सनराइजर्स हैदराबादले तेस्रो जित निकालेको छ। गएराति भएको खेलमा किङ्स इलाभेन पन्जाबलाई ६९ रनले पराजित गर्दै हैदराबादले तेस्रो जित निकालेको हो।
दुबई अन्तर्राष्ट्रिय क्रिकेट रंगशादामा हैदराबादले दिएको २ सय २ रनको लक्ष्य पछ्याएको पन्जाब १६ ओभर ५ बलमा अलआउट हुँदै १ सय ३२ रनमा समेटियो। पन्जाबका लागि निकोलस पुरनले ७७ रनको अर्धशतकीय इनिङ्स खेले पनि टोलीलाई जित दिलाउन सकेनन्।
जितसँगै हैदराबादले ६ खेलमा ६ अंक जोड्दै तालिकाको तेस्रो स्थानमा उक्लिएको छ। पन्जाबको भने ६ खेलमा पाँच हार र एक जितसहित तालिकाको पुछारमा छ।
फेसबुक प्रतिक्रियाहरु