नेतृत्व खोज्दै ‘ग्रिन आर्मी’ नेपाल: CIC Unit का लागि देशभरका युवालाई आह्वान, यसरि भर्ने फारम
भविष्यका नेतृत्वकर्ता खोज्दै ‘ग्रिन आर्मी’ नेपाल: CIC Unit 2083 का लागि देशभरका युवाहरूलाई आह्वान
काठमाडौँ । युवाहरूलाई वातावरण संरक्षण, विपद् व्यवस्थापन र नेतृत्व विकासमा सक्रिय गराउने उद्देश्यका साथ ‘ग्रिन आर्मी’ नेपालले आफ्नो CIC Unit 2083 का लागि खुल्ला भर्ना (Open Recruitment) घोषणा गरेको छ । यस अभियानले देशभरका १६ देखि ३४ वर्ष उमेर समूहका उत्साही युवाहरूलाई संगठित गर्न लागेको हो ।
“Educate, Encourage, Empower & Conservate” भन्ने मूल नाराका साथ स्थापना भएको यस संस्थाले युवाहरूलाई केवल स्वयंसेवकका रूपमा मात्र नभई भविष्यको जिम्मेवार नागरिकका रूपमा तयार पार्ने लक्ष्य राखेको छ ।
मुख्य आकर्षण र तालिमहरू: ग्रिन आर्मीमा आबद्ध हुने क्याडेटहरूले नेतृत्व विकास (Leadership), सार्वजनिक उद्घोषण (Public Speaking), र आत्म-रक्षा (Self-defense) जस्ता महत्वपूर्ण तालिमहरू प्राप्त गर्नेछन् । संस्थाले स्थानीय विद्यालय तहदेखि नै विभिन्न च्याप्टरहरू मार्फत आफ्नो उपस्थिति जनाउँदै आएको छ ।
सरकारी निकायसँगको समन्वय: यो अभियान नेपाल सरकारको शिक्षा, विज्ञान तथा प्रविधि मन्त्रालयसँगको समन्वयमा सञ्चालित छ, जसले गर्दा यसका कार्यक्रमहरू राष्ट्रिय प्राथमिकता र शैक्षिक क्यालेन्डरसँग मेल खान्छन् ।
भर्ना प्रक्रिया र मिति: इच्छुक उम्मेदवारहरूका लागि आगामी २०८३ साल वैशाख १२ गते शनिबार काठमाडौँको गोकर्णस्थित जगडोलमा विशेष कार्यक्रम आयोजना गरिएको छ । सोही दिन भर्ना सम्बन्धी विस्तृत जानकारी र छनोट प्रक्रिया अघि बढाइने संस्थाले जनाएको छ । थप जानकारीका लागि संस्थाको आधिकारिक वेबसाइट https://www.greenarmy.org.np/ वा सिधै फोन नम्बर ९८४९९९९९९९ मा सम्पर्क गर्न सकिनेछ ।
फारम भर्नाको लागि यो लिंक मा जानु होला
फेसबुक प्रतिक्रियाहरु