साउन २५,
रामेछाप । रामेछापको मन्थली नगरपालिकामा बसोबास गर्ने माझी समुदयका महिलाहरुले सुनकोशी २ जलविद्युत आयोजनाले आफूहरुको पैतृक थाकथलो गुम्ने बताए । वडा नं ६ कुनौरीमा बसोबास गर्दै आएका उनीहरुले आइतबार २६ औँ विश्व आदिवासी दिवसका अवसरमा गरेको एक कार्यक्रममा यस्तो बताएका हुन् ।
कार्यक्रममा उनीहरुले आफुहरुको भाषा, धर्म, संस्कृति, परम्परा र पहिचान लोप हुनलागेको बताउदै लैङगिक हिंसा चोरी जस्ता चुनौतीहरुको सामना गर्नुकरेको गुनासो गरेका थिए । साथै महिलाहरुले शिक्षा, स्वास्थ्य, खानेपानी, बिजुली, यातायातको पहुँचमा समस्या आउँने गुनासो गरेका थिए ।
उनीहरुले आफ्ना ऐतिहासिक, सामाजिक एकता हराउँने, परम्परा र संस्कृतिमा विचलन पर्दै आएको भन्दै यसका बारेमा गम्भीर बन्न सरोकारवालाको ध्यानाकर्षण गराएका थिए । file Photo