चैत २८,

रामेछाप उधोग वाणिज्य संघ बागमती प्रदेशको वाणिज्य संघहरु मध्ये उत्कृष्ट कार्य गरे बापत सम्मानित भएको छ । शनिबार नेपाल उद्योग वाणिज्ज महासंघको ५५ औं साधारण सभा तथा उद्योग वाणिज्य दिवस २०७७ को अवसमा सम्मानित् भएको हो ।

उद्योग व्यापार व्यवसायको विकास र प्रवर्धनमा बागमती प्रदेशबाट ‘ख’ बर्गका उद्योग वाणिज्य संघहरु मध्ये उत्कृष्ट कार्य गरे भन्दै संम्मानित भएको हो । संघका अध्यक्ष केशव घिमिरेलाई प्रधानमन्त्री केपी शर्मा ओलीले सम्नमान पत्र हस्तान्तरण गरेका छन् । रामेछाप जिल्लामा ब्यापार ब्यवसायीहरुको सहितमा काम गर्दै आएको संघ सम्मानित भएसंगै काम गर्न थप उर्जा थपिएको संघका कार्यकारी अधिकृत नविन केसीले जुनली न्युसंग कुराकारी गर्दै बताए ।

उनले आफूहरुलाई सम्मानसंगै उर्जा थपिएको र कार्यप्रतिको मोह बढेको छ भने । रामेछाप उद्योग वाणिज्य संघ २०४९ फागुन २१ गते विधिवत् रुपमा दर्ता भएर संचालनमा छन् । गत फागुन २१ गते संघले आफ्नो २८ औं स्थापना दिवस मनाएको थियो ।