चैत्र ०६

रामेछाप । रामेछापको मन्थली नगरपालिकाले घरपालुवा पशुपंक्षीलाई खोप लगाएको छ ।

शुक्रबार नगरपालिकाको पशुशाखाले नगरपालिकाको वडा नं ८ चिसापानीमा एक दिने रेबिज रोग तथा स्थलगत परजिबी नियन्त्रण शिबिरमा संचालन गरि घरपालुवा कुकुर, बाख्रा र कुखुरालाई खोप तथा औषधी दिएको पशुप्राविधिक मुकुन्द कुमार खड्काले जुनेली न्युजलाई जानकारी दिए ।

उनका अनुसार चिसापानीमा संचालन गरिएको सो शिविरमा एक वडा एक जोनोटिक रोग (मान्छेबाट पशुमा- पशुबाट मानिसमा) सर्ने रोगको खोप दिएको हो । जसमा एक सयभन्दा बढी घरपालुवा कुकुरलाई रेबिजको खोप दिएको छ ।

त्यस्तै आठ सयभन्दा बढी बाख्राहरुलाई बोमोर्जिङ् नामक नाम्लेको औषधी दिएको छ । त्यस्तै तीन सय भन्दा बढी कुखुरालाई जुकाको औषधी प्रदान गरिएको छ