प्रधानमन्त्रीलाई गगनको जवाफः असंवैधानिक नियुक्तिको विरोध गर्दा एसिड आक्रमण विरुद्धको अध्यादेश फेल गर्न खोजे भनेर झुट पिट्ने ?
फागुन २५,
काठमाडौं । नेपाली कांग्रेसका युवा नेता तथा सांसद गगन थापाले प्रधानमन्त्री ओलीले एसिड आक्रमण र महिलामाथि हुने हिंसाविरुद्धका अध्यादेश पास हुन नदिनको लागि संसद् अबरुद्ध गरेको भनको प्रति आक्रोश पोखेका छन् ।
मंगलबार टुवीट् गर्दै सांसद थापाले संवैधानिक परिषद सम्बन्धी अध्यादेश ल्याएर असंवैधानिक नियुक्ति गर्ने,त्यसको विरोध गर्दा एसिड आक्रमणविरुद्धको अध्यादेश फेल गर्न खोजे भनेर डंका पिट्ने, झुट प्रधामनमन्त्री ज्यू भनेका छन् ।
त्यस्तै थापाले आफूहरु एसिड आक्रमण र महिलामाथि हुने हिंसाविरुद्धका अध्यादेश अझ सुधार गरेर कानून बनाउन सदनमा प्रतीक्षारत भएको उल्लेख गरेका छन् ।
संवैधानिक परिषद सम्बन्धी अध्यादेश ल्याएर असंवैधानिक नियुक्ति गर्ने,त्यसको विरोध गर्दा एसिड आक्रमणविरुद्धको अध्यादेश फेल गर्न खोजे भनेर डंका पिट्ने?झुट @PM_Nepal ज्यू!
एसिड आक्रमण र महिलामाथि हुने हिंसाविरुद्धका अध्यादेश त अझ सुधार गरेर कानून बनाउन हामी सदनमा प्रतीक्षारत छौँ।— Gagan Thapa (@thapagk) March 9, 2021
फेसबुक प्रतिक्रियाहरु