साउन १६,

रामेछाप । नवगठित राष्ट्रिय दलित पत्रकार संघलाई नेपाल सुनचाँदी व्यवसायि संघ रामेछापले बधाई तथा शुभकामना प्रदान गरेको छ । संघले शुक्रवार (आज) आफ्नै कार्यालयमा एक कार्यक्रमको आयोजना गरि सम्मान गरेको हो । रामेछापमा राष्ट्रिय दलित पत्रकार संघ गत बिहिबार एक कार्यक्रमका बिच गठन गरिएको थियो । सम्मान कार्यक्रममा बोल्दै संघका उप-अध्यक्ष कृष्णा लामगादेले आर्थिक रुपमा सवल भएका दलितहरुलाई गर्ने ब्यवाहर र नभएका दलितहरुलाई गर्ने व्यवाहरमा फरक भएको बताएका छन् । उनले जातका आधारमा गर्ने विभेद आर्थिक संग जोडिएको बताए । उनले त्यस्ता विभेद्हरुलाई चिर्नको लागि नवगठित संघले भूमिका खेल्नु पर्ने विश्वास दिलाए । उनले संचारक्षेत्रसंग समन्वय गरेर विभेद्अन्तय गर्न लागि पर्ने प्रतिबद्धता जनाए ।

त्यस्तै संघका केन्द्रीय सदस्य आकाश रिजालजे पत्रकार र व्यवसायिबिच नङमासुको सम्बन्ध भएको बताए । उनले पत्रकाहरुलाई समाजका घट्ने अपराधिक घटनालाई तोड्मोड नगरि बहिर ल्याउन भने ।

त्यस्तै राष्ट्रिय दलित पत्रकार संघका बागमती प्रदेश सदस्य गम्भिर बि.कले ब्यवसायिहरु र पत्रकाहरु एकढिक्का भएर अघि बढनु पर्ने समय आएको उल्लेख गरे ।

संघका नवनियुक्त अध्यक्ष लेख बहादुर बि.कले सबैको सुझावहरुलाई सम्मान गरेर आगामी दिनमा जिल्लाको पत्रकारीता क्षेत्र र जातिय हिंसाको विरुद्ध एक भएर हिड्नको लागि जिल्लाका सबै दलित संघसंस्थाहरुसंग समन्वय गरेर लागि पर्ने बताए ।file photo