स्वास्थ्य क्षेत्रमा गोकर्णेश्वर नगरबासीलाई फेरी अर्को सेवा गोकर्णेश्वर नगरपालिकाले सुरु गरेक्जो छ | बिशेष गरि स्वास्थ्य क्षेत्रमा फरक फरक सेवा प्रदान गर्दै आइ रहेका मेयर दिपक रिसालले आज नगरपालिकाको वडा नं १ ओख्रेनी र मुलखर्कका बासिन्दाहरुलाई लक्षित गरि निशुल्क संचालन हुने गरि एम्बुलेन्स हस्तान्तरण गरेका छन् | स्वास्थ्य सेवाबाट कोहि जनताले बन्चित हुन नपरोस भनि आज नगर प्रमुख दिपक रिसाल सहितको नगरपालिकाको टिम गएर एम्बुलेन्स प्रदान गरेको हो |

“कोहि बिरामी पर्दा वा गर्भवती महिलालाई मिनी टाटा वा मानिसले बोकेर मध्य राति अस्पताल लागिएको थाहा पाए पछी सो २ गाउँ मुलखर्क वा ओख्रेनीको लागि मैले ड्राइभर सहित निशुल्क र २४ घण्टा चल्ने गरि यो सेवा प्रदान गरेको छु ” मेयर रिसालको भनाइ छ |

गोकर्णेश्वर बासीलाई निशुल्क स्वास्थ्य बिमा, नगर अस्पतालबाट बिशेषज्ञ सेवा लगायतका क्षेत्रमा जनातामुखी काम गर्दै आएको नगरपालिकाले छिटो र सहज सेवा पाउन भन्ने उदेश्यले एम्बुलेन्स प्रदान गरेका हुन् |