Breaking News
काठमाडौँ प्रवेश गर्ने मुख्य नाका नागढुंगा सडक बिहानैदेखि अवरूद्ध
जुनेली न्यूज, काठमाण्डौ | लगातार बर्षाका कारण देशका विभिन्न ठाउमा सडक अबरुध भएको छ | चिसापानी भन्ने ठाउमा पहिरो जादा काठमाडौँ प्रवेश गर्ने मुख्य नाका नागढुंगा सडक बिहानैदेखि अवरूद्ध भएको छ । नागढुंगाबाट झण्डै पाँचसय मिटर तल पहिरो खस्दा बिहान साढे पाँच बजेदेखि सडक अवरुद्ध भएको हो ।
नागढुंगा प्रहरीकाअनुसार पहिरोले सडक दुईतर्फी नै पूर्णरुपमा अवरुद्ध भएको छ । सडक अवरुद्ध हुँदा सवारी साधनको लामो लाइन लागेको छ । पहिरो पन्छाउन केहीबेरअघिबाट डोजर परिचालन गरिएको छ । सडक सुचारु हुन कम्तिमा पनि दुई घण्टा लाग्ने प्रहरीले जनाएको छ ।
यसअघि आइतबार बिहानदेखि दिउँसो एक बजेसम्म अवरुद्ध भएको सडक पहिरो पन्छाएपछि सञ्चालनमा आएको थियो । हिजो पहिरो गएकै ठाउँमा आज बिहान पुनः पहिरो गएको हो ।
फेसबुक प्रतिक्रियाहरु