मंसिर १०,

रामेछाप । “लैंगिक हिंसा अन्त्यको प्रतिवद्वता: व्यक्ति समाज र सबैको ऐक्यवद्वता” भन्ने मुल नाराका साथ लैंगिक हिंसा विरुद्वको १६ दिने अभियान कार्यक्रममा रामेछाप नगरपालिकामा बुधबार साँझ दीपप्रज्वलन गरी प्ररम्भ गरिएको छ ।

संयुक्त राष्ट्रसंघको सन् १९९९ को महासभाले नोभेम्बर २५ लाई महिला हिंसा विरुद्धको दिवसकारुपमा मनाउने निर्णय गरेको हो । हरेक वर्षको २५ नोभेम्बरदेखि १० डिसेम्बरसम्म १६ दिन लैङ्गिक हिंसाका विरुद्ध ऐक्यबद्धता जनाउन र जनचेतना कायम राख्न विभिन्न कार्यक्रमहरु आयोजना गरिन्छ । सोही अनुसार नेपालमा पनि यो कार्यक्रम मनाइदै आइएको छ ।

बुधबारदेखि देशभरी १६ दिने अभियानकै रुपमा महिला हिंसा बिरुद्धको दिवस मनाइदै छ । सोही अनुसार देशैभरीका गाउँपालिका तथा नगरपालिकाले पनि अभियान सुरु गरेका छन् । सोही बमोजिक रामेछाप नगरपालिकाले पनि उप-प्रमुख सृजना खड्काबाट दीप प्रज्वलन गरी अभियानको सुरु गरेको हो ।