भदौ ०७

काठमाडौं । नेपालमा कोरोना संक्रमितमध्ये आइतबार थप ३ जनाको मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो पटक झापाका ५८ बर्षिय पुरुष पर्साकी ५८ बर्षिया महिला र सिरहाकी ३३ बर्षिया महिला गरि ३ जनाको मृत्यु भएको जानकारी दिए ।

सँगै देशमा कोरोना संक्रमणबाट हालसम्म मृत्यु हुनेको संख्या १४९ पुगेको छ । प्रवक्ता गौतमले पछिल्लो २४ घण्टामा देशभरका ४ वटा प्रयोगशालामा गरीएको पीसीआर परीक्षणमा देशभर ८ सय १८ जनामा कोरोना संक्रमण पुष्टि भएको जानकारी दिए ।

यो सँगै संक्रमितको संख्या ३१ हजार ९ सय ३५ पुगेको छ । काठमाडौं उपत्यकामा मात्रै आइतबर १६६ जना संक्रमित थपिएका छन् । जसमा काठमाडौंमा १२६, भक्तपुरमा २८ र ललितपुरमा १२ जना रहेका छन् ।

प्रवक्ता डा. गौतमले पछिल्लो २४ घण्टामा देशभर विभिन्न अस्पतालबाट २८१ जना डिस्चार्ज भएको जानकारी दिए । यो सहित निको हुनेको संख्या १८ हजार ६ सय ३१ पुगेको छ ।

हालसम्म आइसोलेसनमा रहनेको संख्या ३ हजार ९ सय ४३ रहेको छ ।file Photo