‘इन्द्रेणी’टेलिभिजन कार्यक्रमले सिन्धुपाल्चोक बाढी प्रभावितका लागि अस्थायी आवास निर्माण गर्न झण्डै ९० लाख रुपैयाँ हस्तान्तरण  गरेको छ । हेलम्बु गाउँपालिकामा १७ घर बाढी प्रभावित परिवारका लागि अस्थायी आवास निर्माण गर्न ६२ लाख रुपैयाँ सहयोग हस्तान्तरण गरेको छ ।

इन्द्रेणी’ कार्यक्रमका संचालक कृष्ण कँडेलले मंगलबार हेलम्बुका बाढी प्रभावितहरुकै उपस्थितिमा गाउँपालिका अध्यक्ष निमा ग्याल्जेन शेर्पालाई सो रकम हस्तान्तरण गरेका हुन् ।

भदौको अन्त्यमा अस्थायी आवास उद्घाटन हुने जनाइएको छ । साथै मेलम्चीमा ५ बाढी प्रभावित परिवारलाई अस्थायी आवास निर्माणका लागि झण्डै १८ लाख रुपैयाँ हस्तान्तरण गरेको छ।